જ્યારે કોઈપણ દર્દી હોસ્પિટલથી મુલાકાત લે ત્યારે દર્દી સાથે મેડિકલ રિપોર્ટ રાખવાની મુશ્કેલી થતી હોય છે ત્યારે તબીબી ઇતિહાસનો ટ્રેક રેકોર્ડ રાખવો પણ એક પડકાર જનક બની શકે છે આભા ડિજિટલ હેલ્થ આઈડી કાર્ડ થી તમામ તબીબી માહિતી ને એક જ જગ્યાએ સંગ્રહિત કરીને આ સમસ્યાનું નિરાકરણ લાવવામાં આવે છે જેથી ડોક્ટર દર્દીના આઈડી નંબર પરથી તમામ માહિતી મેળવી શકશે અને દર્દીનો યોગ્ય ઈલાજ કરી શકશે સરકાર દ્વારા તમામ 108 ની એમ્બ્યુલન્સમાં બારકોડ લગાવવામાં આવ્યા છે તેમાંથી નાગરિકો પોતાની રીતે આધારકાર્ડ ડ્રાઇવિંગ લાઇસન્સ અથવા પાનકાર્ડ થી આભાર કાર્ડ ડિજિટલ કરાવી શકશે…. ગુજરાત રાજ્યના તમામ નાગરિકને ટૂંક સમયમાં ડિજિટલ આરોગ્ય કાર્ડ ફરજિયાત કરવામાં આવશે અને રાજ્ય સરકાર દ્વારા સંપૂર્ણ તૈયારીઓ થઈ ગઈ છે ત્યારે આભા દ્વારા દર્દીના તમામ તબીબી રેકોર્ડ્સ રિપોર્ટ્સ નિદાનની પૂર્વક કામગીરી દવાની પ્રિસ્ક્રિપ્શનની વિગતો એક જ જગ્યાએથી પ્રાપ્ત થશે અને દર્દીને દેશની કોઈ પણ સરકારી હોસ્પિટલમાં સારવાર મેળવવાની પરિસ્થિતિ ઉભી થાય ત્યારે એ જ નંબર થી દર્દીને સરળતાથી સારવાર મળી શકે ડોક્ટર દર્દીના બીમારી નો ઇતિહાસ સરળતાથી મેળવીને જલ્દી સારવાર પ્રાપ્ત કરાવી શકે એવા આયોજન સાથે આભાર હેલ્થ કાર્ડ બનાવવામાં આવ્યું છે અને આ કાર્ડ હેઠળ ઇન્સ્યોરન્સ કંપનીઓ ને પણ દર્દીની વિગતો પ્રાપ્ત થઈ શકે છે આ કાર્ડ ખાનગી હોસ્પિટલમાં લીધે સારવાર પણ દર્શાવશે નવા મેડિકલ ડિજિટલ કાર્ડ દ્વારા જે સારવાર અપાશે જેની કામગીરી 108 ને સોંપવામાં આવી છે આ બાબતે 108 ના પી.આર.ઓ શ્રી વિકાસ બિહાનીએ જણાવ્યું કે આરોગ્ય મંત્રાલય કેન્દ્ર સરકાર દ્વારા આ પ્રોજેક્ટ શરૂ કરવામાં આવ્યો છે અત્યારે પાયલોટિંગ પ્રોજેક્ટ તરીકે ગુજરાતમાં અમુક જગ્યાએ શરૂ કરવામાં આવેલ છે આ પ્રોજેક્ટ અંતર્ગત રાજ્યના આરોગ્ય વિભાગના મુખ્ય સચિવ મનોજ અગ્રવાલ સાહેબ દ્વારા જણાવવામાં આવ્યું હતું કે દર્દી અને આરોગ્ય વિભાગ તથા હોસ્પિટલ તંત્રને ખૂબ જ સારો ફાયદો થશે સમયની બચત થશે દર્દીઓ અમુક અંશે મેડિકલ રેકોર્ડ સાચવી શકતા નથી એવા કિસ્સામાં માત્ર એક ક્લિકથી દર્દીનું આરોગ્ય જાણી શકાશે અને વર્ષો સુધી એ રેકોર્ડ સાચવી શકાશે.